ما كل من يركب الخيل خيّال

ماكّل من يركب على الخيل خيال***ولا كّل خيل تعجبكّ هي أصيــــــــلـه ~

ولا كّل من يعجبكّ هرجـه برجال***بعض العرب ملــــــــسون وايده بخيلـه ~

الكّل يلبس ثوب وشماغ وعقال*** وعند اللزوم افعالهم هي قليـــــــــــــــله ~

الرجل تثبت له أقاويل بافعال ***لاقال شئ ونفذه هو دلـــــــــــــــــــــــــيلـه ~

والرجل لاشفتـه مع القيل والقال***ابعد عنـه هذا صفاتـه عليــــــــــــــــــــــــلـه ~

و الكّذب خلـه عنكّ مافاد لو طال*** قول الصدق ياصاح غنم وجميــــــــلـه ~

وخلكّ شجاع وذي صفات للابطال*** اللي كما سيوف تبارق سليـــــــلـه ~

واللي شراك اشريـه لوكان بالمال*** خلك معـه وان مــــــال دور بديلـه

واصبر ترى الدنيا تبدل بها أحوال*** وما كل شئ صافي تشـــــوفـه تجي لـه ~

وبعد الكدر تشرب صفا عذب وزلال*** هذا الزمن فيـه استــــقامـه وميلـه ~

وصاحب خليل لو جفا الوقت مامال***ترى الرجل يعرف بقيمة خليــــلـه~

واقفل على سرك بكتمان واقفال*** بعض العرب يسمع وينوي بحـــيلـه ~

وخلك أمين إذا توليت الأعمال*** من خان في يوم الحشر يا حليــــلـه ~

خل التواضع فيك واضح بالافعال***ترى الكبر يردي بيوم وليــــــــــــــــلـه ~

ولا تحسد اللي عنده اموال وعيال*** وش ينفعك لو كان حـــسدك يزيلـه ~

و لا تزور تقلب الزين بطــــــال ***اللـه عليم بالنوايا الدخـــــــــــــــــيلـه ~

وخلك رزين ترى المخفـه للاطفال***واصفح عن المخـــــطي ولو زاد قيلـه ~

واحمل همومك لو تزن وزن الاثقال ***بكره تروح وتنجلي لو ثقـــــــــــيلـه ~

وصل الفروض ولاتنسيكّ الاشغال*** محدن في الدنيـــــا درى وش بقي لـه ~

وزور الاقارب للرحم كون وصـال***وخلك عظيم الشان وسط القـــــبيلـه ~

وصلاة ربي عد ماهل همَّـــــــــــــال *** على النبي اللي صفـــــاتــه جلــــيلـه ~
18][/