قصيدة الشاعرة نبراس المسلط اهداء الى الشيخ نواف البشير

قصيدة الشاعرة نبراس المسلط اهداء الى الشيخ نواف البشير




****************
**********




اعجز القصيد وتاه حبر ٍ وقرطاس وكن الشعرعن طوف فيض التواصيف
بي شيخ نشمي وافر الجود جرناس وصقر ٍ صميدع اكرم الجار و الضيف
صيته تعدى حدود وديار ومراس ومثل البرق لي شع بين المشاريف
ابن الحموله ... للرجاجيل رياس و عجيد ربع ٍ شال كثر التكاليف
من صلب راغب بين الدم والساس نعمين شيخ ٍ عف رخص التناتيف
رمى المذله وصار مسعى ونوماس ولأجل المواقف خاض صعب التعاتيف
ولي قلت أخو وضحه وناديت بالناس عن هزبر ٍ ماهاب ليل و تخاريف
يأتي طنا نواف بطباع ... ولباس شيخ الرجال الصيد رمز المزاهيف
ما همّه السجّان ... لا طخ الحباس لأجل ٍ يضلن فوق رغم العواصيف
وخطو الفتى زمزوم وهديب وعباس وخطو الفتى دوار عالى المواجيف
وتسلم يمينك ياضنا العود يا راس وتسلم شجاعه تحير بيها التعاريف
وحيّا علوم ٍ خطّها القلب واحساس فوّح شذاها بطيب واسرى بمجاذيف
وارعد صداها بحور وجبال وخفاس واطرب ذكرها رجال صيدٍ ملاهيف
لِنها تشيل الهم و تزيل هوجاس وتبعد ردايا آذت البيد واحيف
عدّيتها نواف و أعميت حرّاس وعدلتها بأفعال ماهي تصاديف
وصرت الملف الحاز شهره وجلاس باضبارةٍ تجتاح صدر التصانيف
ويا فارس ٍ طم المجاهيل ما حاس وهام بحوادي ونال مرقى وتشريف
تستاهلن نهديك بسطور كرّاس فيض الشرف ونقول حلو السواليف
اللي همت من دون حدّن ومقياس واللي رسمها فوق عد المصاريف
صوغة عنود واسمها يشع نبراس جبرية ٍ من صيد سمر ٍ غضاريف
هديتها لعيون ليث ٍ و مرداس وارجاه يقبل بوح غيد ٍ رهاييف





و هنا القصيدة مسجلة بصوت الشاعرة و صورتها على يوتيوب

الموقع لا يسمح بعرضها